“China CITIC Bank Corporation Limited (бұдан әрі CITIC Bank) атынан құжатқа Директорлар кеңесінің төрағасы Ли Цинпин ханым,” Астана ” халықаралық қаржы орталығы (бұдан әрі – АХҚО) тарапынан-Басқарушы директор Қайрат Келімбетов қол қойды.
Жасалған меморандум шеңберінде тараптар есеп айырысу, айырбастау операцияларын және облигациялар шығарылымдарын ұйымдастыруды қоса алғанда, қытай юанімен байланысты жаңа бизнес-бағыттар мен өнімдерді бірлесіп дамытуды жоспарлап отыр. Қазақстандағы Citic Bank еншілес банкі “Altyn Bank”АҚ АХҚО резиденттері үшін қытайлық юаньмен есептік қызмет көрсетуді ұсыну көзделген. Сонымен қатар, Altyn Bank “Астана” халықаралық қаржы орталығының (AIX) биржасы үшін есеп айырысу банкі және кастодиан ретінде қызмет көрсетуге дайын.
Айта кету керек, Citic Bank банкаралық төлемдердің трансшекаралық төлем жүйесінің (CIPS) тәжірибелі және белсенді тікелей қатысушысы бола отырып, қытай юанімен төлем жүргізу процесін жеделдету және жеңілдету үшін АХҚО-да тіркелген банктер үшін осы жүйеге жанама қатысу қызметтерін ұсынуға дайын. AltynBank қазірдің өзінде CIPS жүйесіне жанама қатысуға өтінім берді және АХҚО алаңында тиісті сервис ұсынатын болады. Сонымен қатар, Altyn Bank АХҚО резидент компанияларына қызмет көрсету үшін АХҚО аумағында филиал ашу мүмкіндігін қарастырады.
Тараптар сондай-ақ Қытай мен АХҚО қаржы нарықтарын жақындастыру, қаржы қызметтері саласындағы тәжірибе және үздік тәжірибелермен алмасу, қаржылық сауаттылықты арттыру, оның ішінде студенттер мен кәсіпкерлер үшін семинарлар ұйымдастыру мақсатында инвесторлар мен бағалы қағаздар эмитенттері үшін мамандандырылған іс-шараларды ұйымдастыру саласында ынтымақтасуға келісті.
Анықтамалық ақпарат:
CITIC (China International Trust and Investment Corporation) Қытайдың ірі ұлттық инвестициялық корпорацияларының бірі болып табылады. CITIC негізгі мақсаты шетел капиталын тарту мен пайдалануға, алдыңғы қатарлы технологияларды енгізуге және өзінің операциялық қызметі мен басқарылуында алдыңғы қатарлы халықаралық тәжірибені пайдалануға қорытылған. CITIC Group 44 еншілес ұйымдарға ие, оның ішіне CITIC Bank та кіреді. CITIC Bank-тың негізі 1987ж. құрылған. CITIC Bank Қытайда, Гонконгте және өзге елдерде ірі корпоративтік клиенттерге және жеке тұлғаларға әртүрлі банк өнімдерін және қызметтерін ұсынады.
Бұған дейін «HSBC Банк Казахстан» АҚ ретінде танымал болған «Altyn Bank» АҚ (China CITIC Bank Corporation Limited ЕБ) Қазақстанның қаржы нарығында 20 жыл жұмыс істеп келеді. Банк коммерциялық банктердің арасында активтердің көлемі бойынша 14 орынға табан тіреген және ең жоғары рейтингке ие (Fitch – “BBB-”, Moody’s – “Ba2”). «Altyn Bank» АҚ Қазақстанда алғаш болып жеке тұлғаларға арналған қаржы қызметтерінің толық спектрін қамтитын толымды цифрлық Altyn-i банкті іске қосқан. «Altyn Bank» АҚ әмбебап коммерциялық банк болып табылады, корпоративтік және бөлшек клиенттерге қызмет көрсетеді. Банктің Алматы, Астана, Атырау және Ақтау қалаларында 4 филиалы және Алматы қаласында 2 қосымша бөлімшелері бар.
Қосымша ақпаратты алу үшін Сіз әрқашан бізге хабарласа аласыз:
АО «Altyn Bank» (ДБ China CITIC Bank Corporation Limited)
Екатерина Купреева,
Маркетинг басқармасының басшысы
Тел.: +7 (727) 356 62 73, (ішкі 11 120)
E-mail: Ekatrina.K@altynbank.kz